Lífið er ekki alltaf eins og við höfðum ímyndað okkur. Stundum er það fullt af birtu, gleði og hlátri. Stundum kemur það okkur á óvart með áskorunum sem við hefðum aldrei kosið okkur. Og stundum stöndum við á stað þar sem við þekkjum varla manneskjuna sem við vorum áður. Við eyðum svo miklum tíma í að skipuleggja lífið. Hugsum um það sem við ætlum að gera, hvert við ætlum að fara og hvernig hlutirnir eiga að verða. En lífið hefur sína eigin leið til að minna okkur á að við hö

Eins og hefur ekki farið framhjá neinum lesanda er ég miðaldra kona á þessu blessaða blómaskeiði sem heitir breytingaskeið. Það fer mörgum sögum af þessu skeiði og ég hef heyrt svo dásamlegar setningar eins og: „Þetta er það skeið sem konan fer fyrst að blómstra og breyta til í lífi sínu á þann hátt sem henni þykir best.“ Jú, jú, ég get alveg tengt við þessa setningu. Ég hef alveg blómstrað um einhver 30 kíló og gert allskyns breytingar mér til góða, eins og að sleppa brjósta

Smá hugleiðing um hamingjuna. Oft heyri ég fólk tala um að það verði hamingjusamt þegar það eignast þetta eða klárar eitthvað, eða þegar makinn er eins og það vill, eða börnin útskrifast, eða… Einu sinni stóð ég í þessari meiningu sjálf! Ég gerði þannig óraunhæfar kröfur til hluta, atburða og fólks og fann óhamingjuna en ekki hamingjuna. Svo kviknaði ljós í hjartanu og ég fattaði að hamingjan kom innan frá! Hamingjan bjó í hjarta mér. Það eina sem ég þurfti að gera var að ley

Haustið er uppáhaldsárstíðin mín. Litir náttúrunnar eru aldrei fegurri og ferskleiki andvarans meiri. Ég elska rökkrið sem gefur mér tilefni til þess að kveikja á kertum og skapa hlýlega tilveru innanhúss. En það eru ekki allir sammála mér. Sumum finnst haustið afskaplega erfitt og leiðinlegt og þola ekki myrkrið sem hellist yfir og tilhugsunina um ískaldan veturinn með öllum sínum veðurtilbrigðum. Hér eru nokkrar tillögur fyrir þá sem ekki kunna að meta haustið um það hverni

Nú þegar farið er að skyggja, haustlægðirnar í svaka stuði og dimmur, langur íslenskur vetur framundan er mikilvægt að hugsa extra vel um sig. Hvernig getur þú hugsað betur um þig? Jú, á margan hátt. Fyrsta skrefið er að horfast í augu við að þú ert eina manneskjan sem þú þarft að lifa með allt þitt líf. Ó já, það eitt og sér ætti að duga til þess að setja þig í fyrsta sæti og passa upp á að þér líði vel og að þú sért glöð og hamingjusöm, gerir skemmtilega hluti og notir þína

Hver vill ekki auka hamingjustuðulinn sinn? Hér á eftir koma nokkrar hamingjuaukandi aðferðir. Þetta eru allt aðferðir sem ég hef notað sjálf og aðferðir sem ég hef notað sem meðferðaraðili. Þessar aðferðir koma mikið úr fræðum jákvæðrar sálfræði og hugrænnar atferlismeðferðar. Aðferðir þessar hef ég notað á sjálfsstyrkingarnámskeiðum, bæði með börnum og fullorðnum, og aðlagað þær að hverjum og einum. Þessar aðferðir auka sjálfsmildi og kærleika í eigin garð, sem hækkar hamin

Sjálfstal er eitt sterkasta vopnið til þess að byggja upp sjálfið eða til þess að brjóta það niður! Taktu eftir því hvernig þú talar við þig eða um þig… Ertu að segja þér að þú sért glataður/glötuð, getir ekki, ljótur/ljót, vonlaus eða eitthvað í þá veruna? Ef það er vani þinn þá ertu að brjóta niður eigið sjálf… Því það er svo magnað að við heyrum allt sem við segjum við okkur sjálf og öll skynfærin taka við því! Heyrnin nemur það og flytur boðin til undirmeðvitundarinnar se

Ég var stödd í kassaröðinni í ónefndri búð um daginn. Unga stúlkan brosti, bauð góðan dag á góðri íslensku og bað um kvittun. Afgreiðslumaðurinn roðnaði og áttaði sig á því að hann hafði ákveðið að hún væri útlensk þar sem hún var dökk á hörund. Þessi uppákoma fékk mig til að íhuga hversu oft við ákveðum eitthvað út frá því sem við sjáum í stað þess að sjá hvað raunverulega er. Nokkrum dögum seinna var ég með konu sem er mér kær og hún verður svona kjánaleg og segir við mig:

Það er mikilvægt að sinna sjálfum sér vel og á þann hátt bera ábyrgð á andlegri og líkamlegri heilsu. Það er ekki sjálfselska að sinna sjálfum sér, nei, það er sjálfsmildi og það er nokkuð sem við þurfum öll á að halda. Í þeim mikla hraða sem við búum við í dag vill það oft gleymast að næra eigið sjálf. Hér koma þrjár einfaldar leiðir til að næra eigið sjálf og þar með hugsa vel um eigin heilsu. 1. Hreyfðu þig daglega: Ekki af því að þú þarft þess heldur af því að það er gott

Hver þekkir ekki feituna og ljótuna? Ég þekki þessar systur af eigin raun og hef þekkt þær alltof lengi! Í fjölda ára hef ég unnið að því að útrýma þessum systrum úr lífi mínu og í dag hitti ég þær sem betur fer mjög sjaldan. Þær systur eru skaðvaldar og þess vegna ákvað ég að skrifa aðeins um þær, því það er algengt að fólk hitti þær… Þið vitið, þegar mikið er um mannamót og allir vilja vera sem fallegastir. Hverjar eru þær systur, feitan og ljótan, hvaðan koma þær og hver e

Suma daga vaknar maður bara illa upplagður og jafnvel með höfuðverk eða dagurinn byrjar á neikvæðri athugasemd frá yfirmanni eða einhverjum öðrum. Með öðrum orðum byrjar dagurinn þannig að það virðist sem allt sé á móti þér en ekki með þér í dag. Allir upplifa svona leiðindadaga en til eru ýmis ráð til þess að snúa deginum og flestallir eiga í fórum sínum verkfæri sem nýtast. Kíkjum aðeins í verkfæraboxið og sjáum hvað við getum gert til þess að eignast innstæðu í andlega ban

Lífið er stutt: Það er einhvern veginn þannig að maður áttar sig á að lífið er stutt þegar maður horfir á eftir einhverjum yfir móðuna miklu eða einhver sem er manni nákominn greinist með sjúkdóm. Með öðrum orðum þegar eitthvað verður þess valdandi að minna mann á að maður er ekki eilífur. Ég hef nokkuð oft fengið þessa áminningu um að lífið er stutt, já nokkrum sinnum! Samt hef ég alveg gleymt því og hagað mér eins og ég sé eilíf. Þegar ég tala um að haga mér eins og ég sé e

Það verður að segjast eins og er að þetta ár, 2020, hefur verið alveg með ólíkindum. Heill hellingur af áskorunum og erfiðum verkefnum. Það hefur einkennst af COVID-veirunni og baráttunni við hana, sem hefur sett samfélagið og heiminn allan á hvolf. Fólk missir vinnu, streitustig eykst og allskonar álag reynir á allar manneskjur, sama á hvaða aldri við erum. Ég mæli með þakklætisiðkun: Ég get sannarlega mælt með því að stunda þakklæti sér til hjálpar á erfiðum tímum. Það hljó